Tulisan ko khusus untuak ID yang mangaku gaptek padahal indak do. Dan juo untuak kawan-kawan lain yang alah mandaftar tapi alun juo maisi-isi blog nan ko.
- Pertamo sign up dulu di http://wordpress.com/ isi namo, biodata, dan alamat email. Trus beko di bawah ado pilihannyo, nio mambuek blog atau nio punyo user ID sajo. Nah yang ndak nio punyo blog disiko silahkan klik yang nio punyo user ID.
- Trus beko dari wordpress akan dikirim email konfirmasi kalau awak lah sign up (sekitar 10 menit sasudah awak mandaftar) klik link yang ado di email tu. Kalau ndak ado di Inbox pariso di Bulk mailnyo siapo tau masuak ka bulk mail. Kalau link yang ado di email konfirmasi tu ndak di klik dalam jangko waktu 2 hari mako awak harus sign up liak bisuaknyo.
- Kalau alah di klik itu, langsuang masuak ka wordpress. Untuak buek blog beko di sabalah kiri atas ado tulisannyo “Your Blog” tapi alun adi blog elektro97 yang terdaftar disinan lai do. Untuak yang hanyo ado user tulisan ko alun ado lai.
- Nah supayo bisa manulis atau terdaftar di http://elektro97unand.wordpress.com/ agiah tau iji via email atau silahkan bakirim kaba di Hp iji mangecek an kalau alah sign up. Beko iji add user Id tu manjadi Author di Blog iko.
- Apo itu author, silahkan caliak disiko http://elektro97unand.wordpress.com/how-to-use-this-wp/what-is-administrator-editor-author-and-contributor/. Jadi kawan-kawan bisa manulis carito kawan-kawan sadonyo disiko, mampublishnyo surang dan mangupload foto surang. Untuak comment kayanyo mesti di approve moderator dulu kalau jadi author ko.
- Sataruihnyo kalau lah iji ganti status masuak di http://wordpress.com/ pas di halaman home ado tulisan “Your Blog” dan di bawahnyo beko ado namo blog “elektro97unand” klik link itu. Beko masuak ka “Dashboard elektro 97 Unand”
- Alah masuak ka Dashboard silahkan piliah “Write” di sudut kiri, nah di bawah write nangko ado tulisan “Post” nah masuak ka sinan yang ka maisi biodata foto dan kaba terbaru. Kalua ka maisi tulisan tentang agamo, kesehatan piliah “Page” soalnyo untuak tulisan agama dan kesehatan alah iji buek kan halaman khususnyo jadi indak di halaman terbaru lai do.
- Manulislah disinan sapueh ati. Jan lupo maisi judulnyo dulu yo di kotak“Tittle” dan ka mamulai manulis tu di kotak “Post” untuak yang nio manulis post di kotak “Page” yang nio manulis di halaman lain.
- Kok nio mamasuak an foto beko di ateh kotak “Post” dan “Page” itu ado tulisannyo “Add Media” klik yang gambarnyo kotak dan di dalamnyo ado kotak hitam ketek. Trus beko browse sajo filenyo dima di komputer sudah tu upload. Kalau nio diagiah tulisan di bawah foto tulis lah di bagian “Caption” nio ka ditulis apo. Trus lah sudah upload foto klik “insert to this post”
- Kalau lah sudah manulis di “POST” , piliah tagnyo (Tag yang ado kini ko “Biodata terbaru Member 97″), trus piliah pulo Categorynyo. Buliah manambahkan tag dan category baru. Kemudian Klik “Save” dan kalau lah sudah di save klik “Publish” (Author buliah mampublish tulisannyo surang)
- Kalau untuak manulis di “Page”, Piliah Page Parentnyo di bagian bawah kotak tampek kito manulis. Yang ado saat iko pilihan disininan a) Angkatan IV FE FTUA b) About WP c) Agama d) Kesehatan. Kalau manulis artikel tentang kesehatan piliah Page Parentnyo Kesehatan, Kalau tentang Agamo piliah agamo. Kemudian Klik “Save” dan kalau lah sudah di save klik “Publish” . Bisa juo manambahkan poto dio Page ko caronyo samo jo pointNo.9.
- Alah sudah tu mah stepnyo kalau ndak manulis. Mudah-mudahan ko cukuik mambantu yo…
Salam dari Lizy
